Mizo Elite News hi ṭha i tihzawng a nih chuan min lo Follow dawn nia

An innneih thilpek an dawn zinga pakhat chu puak in mo neitu in hliam na tak a tawrh phah

Inneihna reng reng ah chuan thilpek mawi hnai leh duhawm tak tak inhlan thin a ni a, hei erawh hi chu inneih thilpek atan dawn chakawm loh fahran thil ani.

Gujarat a Vansda,Navsari district a inneihna ah chuan nupa tuak thar ten an inneih thilpek atan beisei loh tak an dawn vangin mo neitu in hliam a tawrh phah tih hriat ani.

Latesh Gavit chuan May 12 khan nupui ah Salma chu a nei a, an inneih lawpuina atan a thilpek an dawn zingah chuan ‘Toy’ Bomb inphum ru in, an han hawng chu a puak zui nghal a mo neitu ber leh a unau fapa te chuan hliam an tuar.

Mo neitu Latesh Gavit hi a mit, a ban leh taksa hmun hrang hrang ah te hliam hi a tuar a, a unau fapa Jiyas pawh thil puak ah hian a inhliam ve nual. Latesh chhungte hian vanduaina thlen hnu ah Vansda Police ah thubuai an thehlut a, hliam tuar te hi private hospital ah enkawl turin hruai an ni.

Science Laboratory team te thil thlenna ah hian kalin thil thleng hi an chhui chiang a. Thil pek thawn tu hi Mo nu unaunu Jagriti bialpa hlui nia puh a ni.

Rajesh Patel leh a thurual pui Manoj te chu Police ten an man. Surat Range IG S Rajkumar Pandian sawidan in Rajesh hian Jagriti thah tum hian toys puak thei thil hi a thawn a, mahse Jagriti hian a thilpek dawn hi a unaunu pasal hnen ah hrelo in inneih lawmpui nan a hlan ve leh a, vanduaina hi a thlen phah ta ani.