Mizo Elite News hi ṭha i tihzawng a nih chuan min lo Follow dawn nia

An inneih ni chuan a pasal leh inneih chhimtu te chu thawng thutin kut zaizir hmang in inneih thutiam a nei

Boaz, Alabama a nupa tuak thar ten inneihna an hmanna ah chuan mo ber in mo neitu tur leh mikhual te chu a che zia hmangin a thawng hle a, zaizir hmangin inneih thutiam alo nei ani.

Mo nu Kelsey Kulick, 23 hian a pasal hi surprise a duh a, chuvangin an inneihni hian American Sign Language a hmang a, a pasal Michael nu leh pa bengngawng te nen an inbiakpawh theihna turin sign hi alo zir.

November 13 khan Gore Creek Wedding Venue a an inneihni ah a ruka alo zir ve ngat ngat, kut zaizir hmanga thutiam chu a pasal leh an inneih hmanpui tu te ho hma ah chuan a rawn hmuh tir a,a pasal pawh a nupui chetdan hian a thawngin, a nu leh pa tana a thil tihsak avang chuan a hnuk a ulh hial ani.

Michael nu leh pa te hi bengngawng ve ve an ni a, Michael hi American Sign Language hmang chhungkua atanga seilian ani. Inhualna an neih ah Michael hian a nu leh pa ten ASL chu an hman ber thin a ni tih Kelsey hnenah hian a hrilh a, Kelsey hian a pasal nu leh pa ten an hun ropui bera an thutiam chu hriatpui ngei se tih a duh vangin a thiam loh leh ala hmelhriat loh zaizir hmanga inbiakna American Sign Language chu a rukin alo zir ani.

“Zaizir hmanga thutiam hi ka pasal Michael leh a nu leh pa te ka zah zia lantir nan hman ka duh ani” tiin Kelsey chuan a sawi. Heng sign te hi a pasal Michael-a ni (aunt) hnen atang in a zir.

Inneih thutiam an neih lai video hi Tiktok ah phochhuah a ni a, mi maktaduai 10 aia tamin video hi an thlir ani.