Mizo Elite News hi ṭha i tihzawng a nih chuan min lo Follow dawn nia

An Inneih Hnu Reilo Ah A Nupui In A Boralsan

Nupa an nih atang ni 2 em pawh a la ral hma hauh in thihna kutvawt chuan a then hrang zui ta a, he mite nupa chanchin lungchhiatthlak tak atang hian thihna hi a va huatthla la tak em.

October 27 a AsiaOne in a rawn tarlan ah chuan Malaysian mipa leh hmeichhia te chuan an inkara hmangaihna chu chhawm nung zelin damchhunga nupa ni tawh turin inneihna an buatsaih a, October 23 chhun dar 11 ah an innei a ni.

Mo neitu hi Mohamad Amirul Akmal Mohd Aziz a ni a, mo nu zawk hi Siti Saraf Ismail a ni. An pahnih hian kum 25 a upa ve ve an ni bawk. Hma hun eng tak thlir chunga chhungkaw hlim tak din tum a suangtuahna an neih ve rauh rauh laiin an chungah an beisei loh tak thil an tawng.

An inneih tuk zing dar 3 ah chuan Siti Saraf tho chu a awm a nuam lo tan a, a pasal Amirul hnen ah a lu a nat thu a hrilh. Mahsela reilo ah chuan a na chu a zia chho ve leh ta mai a, a hnu deuh ah thawk lamah harsatna a nei.

Amirul chuan ambulance te rang takin a be pawp nghal a, a nupui chu damdawiin ah a hruai a ni. Damdawiin an thlen meuh chuan a dinhmun a lo tha lo nasa mai a, Doctor chuan theihtawp chhuah mahse a nunna chhan thei lovin 12:30 AM ah a boral tih an puang.

Autopsy atang a landan in a thihchhan hi brain hemorrhage a ni tih Doctor te chuan an sawi. Amirul pawh a nupui chunga thil thleng hian a thawng nasa hle a, ni khat chhung chauh nupa an ni chu tuar har a ti hle. Harsa leh duh lo tak chungin a nupui chu damchhunga inhmu leh tawh lo turin a mangtha ta a ni.