Mizo Elite News hi ṭha i tihzawng a nih chuan min lo Follow dawn nia

An Inneih Hnu Ni 2 Ah Mo Neitu Chu Covid19 Vangin A Boral A Mi 100 Chuangin Hri An Kai Bawk

Inneihna an hman lai pawhin hripui Covid19 alo vei reng tawh. An hlimna ni chu ni reilo te hnuah lungngaihna leh ṭahna in a chimbuak zui.

Bihar State ah nupa tuar thar te chuan inneihna an hmang a, mo neitu zawk chu an inneih hnu ni 2 na ah Covid19 vangin a boral zui nghal.

Mo neitu hi kum 26 a ni a,June 15 khan inneihna hi hman a nih thu Bihar State a official te chuan an sawi. Media te sawidan chuan an inneih hma khan Covid-19 symptoms in a awm a, mahsela inneihna ṭhulh lo a kaltlangpui a duh vangin a temperature sang lutuk chu tihhniam nan paracetamol eiin inneihna ceremony ah hian a tel.

Vanduaithlak takin June 17 khan a boral a. Test a chhuah hma in a ruang hi vui a ni a, result ah chuan alo positive reng. Engtia hri hi kai nge tih hriat a nilo a amah hi software engineer niin New Delhi aṭang an chenna a haw na pawh ala rei lo.

Patna a Raj Kishor Chaudhary, chief medical officer pawhin matrimonial outbreak thu hi a rawn nemnghet. Inneih leh a vuina a tel zingah mi 100 chuangin Covid19 hi an vei tih hriatchhuah a ni a, in khunghranna an bawhzui nghal.

Chaudhary chuan inneih leh a vuina a tel hi mi 400 chuang bawr vel an ni a ti a, hrivei hmuhchhuah zingah hian a nupui thar pawh a tel ve bawk.

DM