Mizo Elite News hi ṭha i tihzawng a nih chuan min lo Follow dawn nia

An Inhnek Laiin Wrestler Pakhat Chu A Thi Ringawt

India ram Uttar Pradesh Moradabad ah chuan wrestler pakhat chu a tumpui nen an inhmachhawn laiin a thi ringawt tih hriat a ni.

September 2 khan Faridpur village, Thakurdwara Kotwali area a thleng a ni a,Kashipur, Uttarakhand a wrestler Mahesh leh tualchhung wrestler Sajid chu an inhnek.

Match tan a nih ah Sajid hian Mahesh chu a keuh thlu a, a nghawng ah na tak in a tuk zal. Mahesh kulcho lai hian mipui te chuan an kut an lo beng dur dur bawk.

Sajid an Mahesh chu kaihthawh an tum chuan Mahesh hian nikhua a hre tawh lo. A hmun a midang awm ve te chuan Mahesh chu an bawihsawm nghal a, kawng dang dang hmanga kaihharh an tum hnu pawh in an tiharh zo lo. Rei lo ah a boral thu puan a ni zui ta a ni.

Mahesh rung hi a chhungte kutah hlan a ni tawh a, an inbeihna ah hian a nghawng ruh tliak in a nunna hi a chan nge natna dang a neih vang zawk a boral tih hi hriat theih ala nilo. Police ten engmah thuchiang an la hrelo a, chhuichiang tura Case hi thehluh a ni tawh bawk.