Mizo Elite News hi ṭha i tihzawng a nih chuan min lo Follow dawn nia

An In Hmangaihna Eng Ang Taka Chak Nge Tih Enchhin In An Kutah Chain In An Inphuar

Hmangaihna ah hi chuan in rintawnna hi a pawimawh ber. Nupa inkara inrintawnna a awm loh hi chuan hmangaihna hian dal lam a pan tial tial zel.

Ukrainian a mi Alexander leh Viktoria te chuan an inhmangaihna chu engtiang taka chak leh fir nge a ni tih hriat tum in Chain hmangin an kut ah an lo in thlung dun ngat a ni.

Valentine’s Day khan Kyiv a Unity sculpture kiangah chuan Chain hian an in thlung a,thla 3 lai mai chu hetiang a inthlung hian an khawsa dun ang.

He experiment ah hian Vitaly Zorin an a supervise dawn a, hetia an infiah hma hian an rilru lam endikna neih hmasak phawt a ni.

Test hmasa berah capital city atang 523 km a thui in lam panin zinkawng an zawh dun. Kawngsira Cafè an chawlh ah awmdun zel an ngaih vangin hmeichhe toilet an hmang tawm a, a tifai tu pawh an khawsak dan hian a thawng hle.

An hmangaihna fiah a nih chhung chuan thuamhnaw inthlak leh inbual chenin inpuih tawn liam liam zel a ngai. An inthlunna hi hlih an duh chuan emergency services atang specialists te rawih a ngai dawn a ni.