Mizo Elite News hi ṭha i tihzawng a nih chuan min lo Follow dawn nia

An Hringtunu Te Ruang An Vuiliam Hnu Lawkah Doctor 2 Te Chu PPE Thuam Nen An Hna Ah An Kir Leh Nghal

A hrehawm duh khawp ang. Heng Doctor te hian an hmangaihte chan hi thinlung tak in na an ti ve tho. Mahsela midangte nunna chhan ngai ngawih ngawih an awm teuh vang zawk in an hna an tlanchhiat san thei lo zawk a ni.

Gujarat a Vadodara a SSG Hospital a mi Dr Shilpa Patel hi Ningani kalta khan a hringtunu chuan kum 77 mi niin hripui Covid19 vangin a boral san a, ICU ah chawlhkar 1 dawn enkawl a lo ni tawh.

A nu vuiliam na ah Dr Shilpa Patel hi telve in, a nu a thlahliam atang a darkar 6 hnu ah PPE suit inbel chungin midang enkawl turin a Duty a chhunzawm leh nghal tih hriat a ni.

Hetiang bawk hian Gandhinagar ah Dr Rahul Parmar nu Kanta Parmar pawh a boral a, Rahul Parmar hi Gujarat damdawiin lian tak ah nodal officer for Covid management in hna a thawk. A nu thlahliam na hun a hman zawh hnu ah Zirtawpni khan a hna a chhunzawm ve leh bawk. Dr Rahul Parmar nu erawh hi chu hri vanga thi a ni lo a, a kum lam tam tawhin a chak tawk lo viau a ni awm e.

An hmangaih em em te chan chung pawh a midang nunna chhan an ngaih zia an hriat vanga an Duty an hlen chu fak an hlawh hle a, Vadodara a thawk ve Dr Vinod Rao pawh in Dr Patel leh Dr Parmar hi chawimawi an phu tak zet thu a sawichhuak hial.Rahul Parmar phei hi chu nikum khan a Duty laiin Covid19 hi alo vei tawh nghe nghe a ni.

India ramah hripui thawh hnihna a leng leh mek a, nikhat a hri vei hmuhchhuah tam ber tum a sang chho tial tial. Inrinni khan Gujarat bik ah ringawt darkar 24 chhungin hrivei thar 9,541 an awm.