Mizo Elite News hi ṭha i tihzawng a nih chuan min lo Follow dawn nia

An fanu thi tawh chu a nun leh ringin rei tak a ruang phum lovin an kawl

Thihna zet hi chu damchhunga inhmuh tawh loh tur a nih vangin a tuar tu tan chuan a na tih tawngkam mai pawh hian a sawifiah zo thin lo. Ui leh duhlo tak chunga inthlahliam ngei ngei a ngai tlat si.

Indonesia rama nupa tuak khat te chuan an fanu thi tawh chu a rawn nun leh beiseina an neih tlat vangin hun rei tak phum lovin an kawl tih hriat ani.

An fanu ruang hi a thih atang thla 2 zet chu phum lovin room ah an dah tha a, thil thlenna hi Central Java, Indonesia a Plakaran Village ah ani. Khaw mite chuan hun eng emaw chen hnu ah thil diklo awm in an hre ta tlat a, an chenna in an va en nak chuan an fanu tleirawl ruang chu an lo la kawl char char tih an hrechhuak.

He tleirawl hi kum 14 a upa a ni. Tuberculosis (TB) in tlakbuak in, a boral hma thla 6 chhung zet chu TB hi a vei tih an sawi a. Mahsela damkhawchhuak zo ta ngang lovin a nunna a chan ta tih an sawi.

A nu leh pa te hian puithu taka serh leh sang hmang ten an fanu thi tawh chungah thil mak thlenga a dam leh an ring. An fanu ruang an kawl tih hriat a nih hnu hian khaw mite chuan ruang chu phum turin ti mahse an fanu hi an thlakhlelh em vangin phum mai an remti lawk lo.

Mahsela an awmna a sakhaw rawngbawlna kawng a hotu state’s religious leader, Ustaz Zaenuri chuan an nupa hi tha takin a sawipui hnu ah ruang phum hi an remti chauh. An chenna in hnaih deuh tak ah chuan an fanu ruang chu zalhin an phum ta ani.