Harsatna leh buaina in min tlakbuak tawh hi chuan duh loh pui pui pawh tih a ngaih chang a awm thin.
India ram Andhra Pradesh a Nellor a awm nupa tuak harsa ve tak, nitin inhlawh a ei zawng thin chuan an fanu naupang zawk chu an fanu upa zawk damlohna in a tlakbuak mek enkawl nan an thenawmpa hnen ah hralh in tihluihna hmangin pasal an neih tir tih hriat a ni.
An chhungkua hian Kottur ah an cheng. An fanu upa zawk hian thawkna lamah harsatna tawkin enkawl a ngai a, mahsela a enkawlna turin sum hman tur an nei lo.
Sum hman tur a buaina an tawh lai hian an thenawma awm mipa chuan tanpui a tum tih a hrilh a, amah hi Chinna Subbaia tia koh niin Rs 10,000 in tanpui a tiam. Mahsela a sum pekna man atan hian an fanu chu nupui ah neih tir turin a ti a ni.
Duhthlan tur kawng dang an neih loh vangin an nupa chuan an fanu hi hralh mai turin thutlukna an siam a, pawisa a pek hnu ah an fanu hi an pe. An thenawm pa Chinna Subbaiah hi a nupuiin a kalsan hnu ah amahin a cheng.
An inneih zawh ah hian a chhungte in Vidavalur Mandal Dampur ah a hruai a, hmeichhe naupang tap thawm an hriat hnu ah thenawm ten thil thleng hi an hrechhuak ta chauh.
ICDS official ten hmeichhe naupang hi an chhanchhuak a, Nellore a childcare center ah enkawl a ni. Nupui atan neitu Subbaiah pawh an hreng zui nghal bawk.