Mizo Elite News hi ṭha i tihzawng a nih chuan min lo Follow dawn nia

An Fanu Hmai Chanve Vel A Kutchuk Awm Chu Surgery Neih An Duh Lo

Huddersfield, Yorkshire a cheng nupa tuak khat Ebony leh Jamie te chuan fanu an nei a, mahsela an fanu hian danglamna bik tak mai a nei.

An fanu Harper King hmai ah hian chhinchhiahna kutchuk danglam tak mai, a hmai chanve velah chuan langsar takin a chuang kulh. Ebony leh Jamie te nupa hian an hmuh hlim chuan a thawng nasa hle a ni.

He chhinchhiahna birthmark ti reh tur hian Surgery neih a ngai a, amaherawhchu a unau ten ‘special mark’ an ti a, a chhinchhiahna put vang hian Harper hi mi Special a nih thu an sawi a, tihbo tir chu an duh lo. Ebony te nupa hian Harper puitlin hun nghah zawk chu tha in an hria a,amah in a birthmark chu a duh leh duh lo ah duhthlanna siam zawk turin an ti a ni.

A nu Ebony chuan a fanu Harper hi a landan danglam bik vang hian a than len chhoh hunah miten an ngaihdan tur dawn puiin thenrual zingah hrehawm a tih chu a hlauhthawnpui ber a ni. A hmai bakah hian a taksa hmun thenkhat ah te pawh chhinchhiahna hi a nei bawk. Hriselna chungchang ah chuan engmah nghawng a neih phah lo.

Specialist te chuan Harper chhungte hnen ah a birthmark hi Congenital Melanocytic Naevus niin an sawi a, hmai a birthmark lian taka awm hi a vang hle nghe nghe. Naute 20,000 piangah mi pakhat ah deuh chauh thleng thei nia sawi a ni.