Mizo Elite News hi ṭha i tihzawng a nih chuan min lo Follow dawn nia

An Fa Lak Hringtu Dik Tak Ten An Rilru An Thlak Leh Vangin An Fanu Chu Mittui Nen An Pe Kir Leh

Thisen inzawm lohna ah pawh hian chawp leh chilhin in hmangaihna chu a piang ve mai. Virginia a nupa tuak Sarah Howell leh a pasal Chris Howell te chuan fa atan naute duhawm tak hmeichhia an la a, mahsela vanduaithlak takin an fa lak hi ni 5 chiah an kawl hman.

Sarah Howell hi Richmond, Virginia ah registered nurse a nia. Endometriosis an tih natna veiin nau pai turin one per cent chauh chance a nei. A pasal Chris nen chuan fa lak turin adoption agency te hnen an pan a ni.

A hma in fapa kum 1 mi Levi chu fa atan an la tawh a, a ni bakah fapa thla 2 a upa an enkawl bawk. Sarah hian nau a pai laiin adoption agency atang an fanu tur a awm tih an sawi. Sarah leh Chris te nupa hian an fanu thar chu an hruai haw a, an theihtawp in an enkawl.

Fa atan an lak atang ni 5 hnu ah chuan a nu leh pa dik tak te chuan an fanu chu an duh let leh tih hrilh hriat a ni. Adoption a an term ah an hringtu te hian an fate hi ni 10 chhung an duh chuan an lak kir leh a thiang a ni.

Sarah leh Chris te chuan an fanu pe kir leh tura tih an nih vangin an rilru a na hle. “Kan hmu leh dawn tawh lo a ni tih ka hriatin thihna nen hian a in ang reng in ka hria” tiin Sarah hian Metro a hrilh.

A rilru thlenga a nghawng phah nasat vangin a nau pai mek chu a chhiat phah ang tih a hlauh thu a sawi chhuak. Vanneihthlak takin Sarah hian fapa duhawm tak Hoah Howell chu a nei. Sarah te nupa hian an fanu lak tawh chhuh an nih leh chu a nu leh pa dik tak te kianga a awm tawh vangin neih kir leh tuma hma an lak dawn loh thu an sawi chiang a, tha taka a thanlen chhoh theih nan duhsakna an hlan a ni.