Mizo Elite News hi ṭha i tihzawng a nih chuan min lo Follow dawn nia

An Fa Chu Chhuat Ah Tape Hmangin An Char Bet

He thil hi Internet a phochhuah a nih hnu ah a lar zui hle a. Tam tak phei chuan an nu leh pa te hi an dem phah nasa hle.

Kuala Lumpur, Malaysia a mi a ni a, Khun Nam leh Isaac Chong te chuan an fanu Lalynn chu chhuatah Tape hmangin an lo char bet a ni.

Thlalak ah chuan a pa Isaac Chong hi a fanu Lalynn kiangah hian a Laptop khawih in hna a thawk mawlh mawlh bawk.

Hetia a viral hnua sawiselna leh demna hrang hrang netizen ten an neih chhoh tak ah chuan naute nu Khun Nam hi a rawn insawifiah a.

Lalynn chu fiamthu maia chhuata char bet an nih thu a rawn sawi. “A pa hna lamah a insawrbing a ngai a, kei lah zanriah buaipui ka ngai bawk. Lalynn hi tape nen alo infiam a, chhuat ah hian fiamthu in ka char bet ta mai zawk a ni” tiin a sawi.

“A thla ka laksak hnu ah awlsam takin a talchhuak leh nghal. Hei hi innghaisakna leh hremna a nilo a, fiamthu mai mai chauh a ni. Kan fanu tan hian phak ang tawkin nu leh pa ṭha ber nih kan tum a, kan ni ve bawk chuan in ka hria” a ti bawk.

Internet lama kan thlalak phochhuah te hi fimkhur a ngai ṭhin khawp mai. Ho tak ang a kan ngaih pawh hi thlirtu hrang hrang aṭang an lo ngaihdan leh suk thlek dan tur te hi a in ang vek ṭhin lo tih i hre nawn thar leh ang u.