Mizo Elite News hi ṭha i tihzawng a nih chuan min lo Follow dawn nia

An Chenna In Chhung Ah Chuan A Fapa Ruang Rimchhe Tak A Awm Tiin Police Hnen Ah A Thlen

Kum 76 a upa Japanese nu pakhat chuan May 24 khan Police te hnen ah thu mak leh thin thawng tak a thlen a, local emergency number be pawp in an chenna apartment chhungah chuan a fapa ruang tawih rimchhe tak a awm a, engtia tih tur nge pawh a hriat loh thu a hrilh a ni.

He hmeichhia hi Asaminami neighbourhood of Hiroshima a khawsa Toshiko Ujibe a ni a, Sora News 24 tarlan dan in a fapa boral ta ruang hi kum 53 a upa Kenji a ni.

Police te hnen ah chuan a fapa ruang hi tih ngaihna a hriat loh vangin ngaihven sak turin a hriattir. Operator lam ten Apartment en dik tur hian fire department leh Police te tirhchhuah nghal an ni bawk.

Ruang buaipui tura kal te an thlen chuan bedroom ah Kenji hi a lo let reng an va hmu ta a, a nu Ujibe chuan a fapa hi natna pangngai vanga thi a nih thu a sawi. Mahsela ruang an endik chuan Kenji nghawng ah hian pem leh hliam a nei.

Investigators lam chuan Ujibe hian engvang a a fapa thih thu hi Report vat lo nge a ni tih an chhui mek. Screenings an neih atang a landan in ni 10 liam ta a thi tawh kha niin a lang.

Ujibe hi a fapa thihna chungchang ah rinhlelhna engmah erawh a awm lo a, amaherawh chu rei tak chhung a fapa ruang a thup bo vangin an man a,kum 3 thleng Jail tang thei in a awm a ni.