Mizo Elite News hi ṭha i tihzawng a nih chuan min lo Follow dawn nia

An Chenna Atang Hnawhchhuah A Hlauh Vangin A Nu Ruang Freezer Ah Kum 10 Chhung A Thukru

Hnawhchhuah a hlauh luat vanga a thil tih hi a tha lem lo viau a ni. 27 January 2021, Nilaini khan Japan ah hmeichhe pakhat kum 48 a upa chu a freezer ah ruang hmuh a nih vangin Tokyo police ten an man.

Freezer a ruang an hmuh hi tudang nilovin a nu a nih thu an sawi a,kum 10 lai chu midang hmuh theih lohin a lo thuk ru tawh tih an hrechhuak.

The Gurdian in a tarlan dan in a nu ruang rei tak thukru tu hi Yumi Yoshino a ni. Hetia a nu ruang a thuhruk chhan chu midang in an hriatchhuah chuan an chenna in atang hnawhchhuah a hlau a, a nu nen apartment ah hian khawsa in an awmna apartment chu a nu hming hman a nih vang a ni.

Mahse kum 10 a liam hnu ah awmna/luah man a pek hleihtheih loh vangin apartment atang chhuah tir a ni a,landlord in chenna in tifai tur a a tirh chuan in tifaitu hian freezer a ruang thuhruk hi a hmuchhuak.

Ruang an hmuh hi a thih hian kum 60 vel bawra upa nia hriat a ni a, a thihchhan tur awm ang erawh engmah hriat a nilo thung. Tualchhung Police ten a thihna ah hian thil diklo inphum a awm leh awm loh chhuiin investigation an kalpui mek bawk.