Mizo Elite News hi ṭha i tihzawng a nih chuan min lo Follow dawn nia

An Anniversary Kum 10 Ah School Uniform Inbel Chungin

Tleirawl laia hmangaihna Teenage romances hi a tak tak a ni lo, a hnu ah zawi zawi in a reh a hun in a liampui leh mai ni in tam tak chuan an ngai thin a, mahse chu chu a ni vek lo. Teenage romances hi a tak tak a ni a, tleirawl laia inkawp chho nupa ni zui ta tam tak sawi tur an awm.

Tleirawl inhmangaihna hi nula leh tlangval inhmangaihna te nen a in ang reng tho, mahsela nu leh pa te chuan kan tan a thatna tur leh hmalam hun min ngaih pawimawh sak luat vangin an ka atang chuan zirlai ngai pawimawh hmasa turin hrilh thin kan ni tlangpui vek.

Malaysia rama couple te chuan an anniversary pual in a lawmna hun buatsaihin an thlalak te an tarchhuak a, an ni pahnih hian tleirawl inhmangaihna chuan rei tak a daih thei ngei a ni tih a rawn ti fiah hle.

Joseph leh Sinyee te hi tleirawl/rawlthar an nih atanga inkawp tan tawh an ni. 2011 kum daih Form Four leh Four Three an nih atang tun thlengin tluang takin an la inkawp ta reng.

An inkawp tirh hian Joseph hi kum 16 mi lek chauh a la ni a. A nu leh a bialnu Sinyee nu leh pa te pawn kum naupang te a in date an ni chu lung nilovin an hau hial bawk. An thian dang te pawhin tha an ti lo viau tih an sawi.

Amaherawh chu kum an vei chhoh zel hnu chuan khuanu samsuih an nih zia a lang chhuak. An anniversary kum 10 herchhuak ah chuan an pahnih hian School Uniform ha chung in thla an la tha dun leh ngat a, an School luh laia an thlalak te nen an dah tlan hnu ah phochhuak in thlir an hlawh hle.

Joseph hian Instagram kaltlangin post lungkuai tak a siam a, tunah zet chuan hmana sawiselna ang kha an tawk tawh loh thu sawiin ni 3,650 an inkawpna chu hlim takin an hmang dun thei.