Mizo Elite News hi ṭha i tihzawng a nih chuan min lo Follow dawn nia

Amitabh Bachchan Leh Abhishek Te Coronavirus Positive

Bollywood puipa ber kum 77 a upa Amitabh Bachchan leh a fapa Abhishek te chu Inrinni khan hripui Coronavirus an positive tih hriat a ni.

Hospital lamin India Today Television a hrilh dan chuan Amitabh hian thawklam ah harsatna a nei a damdawiin lam an pan chu Covid19 hi alo positive reng a ni.

Amitabh hian Twitter kaltlangin a Positive thu hi a puangchhuak a, a chhungte dang pawh test neih a nih thu a sawi bakah tun ni 10 liamta a amah hnimhnai tu te chu in test ngei turin a hrilh hre bawk.

Amitabh bakah hian Bachchan chhungkua ah a fapa Abhishek Bachchan pawh a Positive tih an hmuchhuak. A nupui Jaya Bachchan, a mo Aishwarya Rai Bachchan leh Aaradhya te erawh in hri hi vanneihthlak takin an veilo hlauh.

Amitabh Bachchan te pafa hi Mumbai a Nanavati Hospital ah an awm a, ngaihtuahawm tak erawh nilovin an dinhmun a ṭha. Doctor te chuan India Today hnen ah Amitabh hi damdawiin a a kal hma khan amahah Covid19 symptom a lanchhuah vangin a inringhlel sa tawh a an chenna ah alo inkhunghran thu an sawi bawk.

India Today