Bollywood puipa ber, a tello chuan Bollywood a ko kim lo an lo tih hial ṭhin Amitabh Bachchan (kum 77) chu hripui Coronavirus vanga damdawiin a admit a nih hnu ah dam tawh in nimin Pathianni khan damdawiin a chhuahsan ve ta.
Amitabh Bachchan hi Mumbai a Nanavati Hospital ah enkawl a ni a, ni 23 lai damdawi in ah hian a awm hman.
July 11 khan a Positive thu hi a puang a, a hnu lawk ah a fapa Abhishek Bachchan pawh in a positive tih a sawi. An pafa bakah hian a monu leh a tunu te pawh in Covid19 vangin damdawiin an lut. Mahsela Aishwarya te erawh July 27 khan damdawiin an chhuahsan tawh.
T 3613 – I have tested CoVid- have been discharged. I am back home in solitary quarantine.
Grace of the Almighty, blessings of Ma Babuji, prayers & duas of near & dear & friends fans EF .. and the excellent care and nursing at Nanavati made it possible for me to see this day . pic.twitter.com/76jWbN5hvM— Amitabh Bachchan (@SrBachchan) August 2, 2020
Amitabh chuan Nanavati a ṭha taka enkawl leh buaipui tu te chung ah lawmthu a sawi. Hetih lai hian a fapa Abhishek erawh test neih ah positive in damdawiin ah a la awm thung.
NDTV