Mizo Elite News hi ṭha i tihzawng a nih chuan min lo Follow dawn nia

American Nu Pakhat Sawisak Tuarin A Thi, A Ruang Hmuh A Nihah A Ha Tih Thlawn Vek Alo Ni Tawh

American hmeichhe pakhat fa pahnih nei tawh Lizbeth Flores (kum 23) chu a nu in a bo thu a sawi hnu ah a ruang chhar a ni a, hmuh a nih hian a ha (teeth) te chu avaiin tihbal sak vek a ni. Kut tuara thi ni ngeiin a lang.

A nu María Rubio sawidan in a fanu Lizbeth Flores nen hian August 9 kha an inbiak hnuhnung ber a ni.Los Frenos, Texas aṭang Mexican border city of Matamoros ah a zin a, a bialpa tlawh turin a kal a ni awm e. A nu hnen ah pawh a kir leh thuai tur thu a hrilh bawk.

Mahsela a fanu chu a thang rei ta deuh a, a biak pawh hleihtheih tak loh vangin August 10 khan Brownsville [Texas] Police Department te hnen ah a fanu chu a bo thu a report ta tawp a ni.

A nu in report a thehluh hnu a tuk August 11 ah chuan a ruang hi an chhar. Flores inhliamna a ṭang sawisak a tawk ngei tih a hriattheih a, lung hmanga hliam niin a lu vun a in hih bakah a ha te pawh a zavaiin tihbal sak a ni bawk.

Flores hringtunu Rubio chuan a fanu a hmuh leh dan chu hriatthiam har a ti tak zet. United State leh Mexico aṭang a fanu ruang hi Texas a hawpui phalna a hmu tawh bawk.

Thawhṭanni thleng khan tumah man anla neih loh thu Matamoros authorities te chuan an sawi a, Flores hi US Citizen a nih vangin FBI te pawh a chhuina ah hian an tel ve dawn bawk.

DM