United State a Virginia a mi hmeichhia University kal Kaylin Phillips chuan Bali,Indonesia a Beach a hun an hmanna ah chuan tui ah he thil hi a hmu a, enliam satliah mai lovin a dangdai em avang chuan la in a kutah alo keng a ni.
Tui atanga thil nung a lakchhuah hi Tiktok lam ah te a thehdarh a, a video thlirtu ten an lo hmuh rual chuan tuichhunga thil nung hlauhawm leh thihna hial thlen thei tu a keng reng a ni tih an lo hrilh.
A thil ken hi blue-ringed octopus tiin an sawi a, te hle mahse thihna hial thlen thei khawp tûr chak tak mai a pai thung. A chungchang hrechiang ten an sawidan chuan a seh chu a na lemlo a, mahse a seh atanga reilo ah taksa ah a hnathawh te a lang thei nghal.
Neurotoxin tetrodotoxin a pai tel a, taksa ti zengin thawkna ah harsatna a thlen bawk. Heng species te hi Australia tuipui kam ah te hmuh an ni fo thin.
Ms Phillips chuan tuia a hmuh khan a la kang nghal mai a, chutianga thil hlauhawm tak a nih a rinloh thu a sawi. wildlife biologist Forrest Galante chuan a chungah engthilmah a thleng hman lo chu a vanneih viau thu a sawi. Blue-ringed octopus vang hian mi 20 aia tam in nunna an lo chan tawh tih an tarlang.