Mizo Elite News hi ṭha i tihzawng a nih chuan min lo Follow dawn nia

Ambulance Driver In Covid19 Positive A Pawngsual

India ram nge nge kan chepui ṭhin teh e. Hmeichhia te tana ram him lo ber an lo tih ṭhin hi chu phat rual lohin thudik a ni.

Kerala a Pathanamthitta district ah Covid19 positive hmeichhe pakhat chu ambulance hmanga hospital an pan laiin ambulance driver in a pawngsual tih hriat a ni.

Pawngsualtu pa hi Alappuzha district a mi a ni a, a hming Noufal niin state health department’s “108 ambulance service” ah hian hna a thawk.

Pathanamthitta district police superintendent KG Simon chuan ambulance driver hi man a ni tawh tih a sawi. A pawngsual tak hmeichhia hian hospital staff te hnen ah a chunga thil thleng hi a hrilh a, enfiah a nih hnuah sual a tawk ngei a ni tih chianin Police an ko.

Police ten victim hi a statement an record sak. Police te sawi leh zel dan chuan he ambulance driver hi 2019 khan tualthah tum vangin murder case a nei tawh tih an hrechhuak bawk.

Indian Express