Mizo Elite News hi ṭha i tihzawng a nih chuan min lo Follow dawn nia

Ambulance an hman tir duh loh vangin a fapa ruang chu Bike in damdawiin atang in a phur haw

Lusun tawh a kar a hetiang thil tawn hi zawng a tuartu tana a nat dan tur chu. Andhra Pradesh a Nellore district ah chuan damdawiin ten ambulance an hman tir loh vangin pa chuan a fapa ruang chu Bike in a phur haw tih hriat ani.

Nilaini a Sangam village of Kanigiri block a thleng a ni a, Buchireddypalem police inspector Ch Koteshwar Rao in thutharlakhawm tu te hnen a a hrilh danin Dara Venkateshwarlu fapa D Sriram, 8 leh mipa naupang pakhat G Eshwar, 10 te chu tuikawng (Canal) ah an chesual.

Eshwar zawk hi a nunna chhan hmah loh in a boral a, kum 8 a upa Sriram erawh hmuh a nih hian a nunna ala chan lo. A dinhmun erawh a ngaihtuahawm hle a, a pa chuan rang takin Kanigiri government hospital ah a hruai ani.

Doctor te chuan damdawiin a thlen meuh chuan Sriram chu a boral tawh tih an puang. Ambulance service te chu a fapa ruang an chenna in lama hruai haw sak turin a ngen a, mahse ambulance chu mitthi phurhna atan hman a nih loh thu sawiin dan leh dun an zam te chu ambulance drivers hian alo hrilh ani.

Ambulance hman theih a nih tak loh ah chuan a fapa ruang hawnpuina tur chu a ngaihtuah a, autorickshaw a biak chuan driver in ruang a phurh theih loh thu alo hrilh ve leh bawk. Mangang leh rilru na taka a awm lai chuan a fapa chu Bike hmangin a phurh hawpui ta ringawt ani.

He thil thleng vang hian sawiselna tam tak a awm phah a, hospital authorities lakah demna a nasat bakah Politics thlenga inchirh thehna a thleng zui ani. Hetiang deuh chiah hi April 25 khan Sri Venkataramana Ramachandra Ruia government hospital, Tirupati town ah alo thleng tawh bawk a. Government damdawiin a Ambulance drivers in ₹10,000 pe tura a phut vangin pa pakhat chuan a fapa ruang scooter in a phur haw ani.