Mizo Elite News hi ṭha i tihzawng a nih chuan min lo Follow dawn nia

Amah Leh Amah Chu Innei In Inneih Senso Atan Cheng Nuai Khat Chuang Lai A Hmang

Midang hmangaihna va hlan kher loh pawn mahni hi a lo in hmangaih theih a ni tih fiah turin Meg Taylor a rawn lang a lawm.

Kum 35 mi Meg Taylor Morrison hi Atlanta, Georgia a cheng leh khawsa a ni a,a bialpa nen an inthen hnu ah a hmangaihna chu mipa dang hlan buai duh tawh lovin amah leh amah chu a innei ringawt a ni.

June, 2020 khan inthen in heta tang hian mahni in hmangaihna hlut zia chu a chhar chhuak. Midang te pawh in mahni leh mahni an innei thin tih a hriat hnu ah mipa tumah neih tum tawh lovin amah leh amah inneih chu a thlang ta a ni.

Meg hian midang te tih lungawi kual vel ai chuan amah chu a pawimawh hmasa ber a ti a, a duhthlanna ah hian a inchhir lo. Inneihna buatsaihna atan hian a theihtawp in a in puahchah ve bawk. Boulder, Colorado a Airbnb ah a inneihna ah hian a thiantha zual leh chhhungten an telpui.

Mahni a inneihna maicham zawh in darthlalang hma ah chuan lungchhe tak chungin a thutiam ziah chu a chhiar chhuak a, hemi hnu hian darthlalang hi a fawp zui ta a ni.

Meg chuan a inneihna tur a ruahman tirh kha chuan miten an ngaihdan turah a zam ruk hle thu a sawi. Inneihna senso atan hian cheng nuai 1 lai sum a hmang bawk.