Mizo Elite News hi ṭha i tihzawng a nih chuan min lo Follow dawn nia

Amah Chhawrtu A Boss A Nin Em Vanga A Chetdan Zet Chuan Midang A Ti Chi-Ai Hle

An hnathawk te lakah Boss an nih vang maia in lu ling leh in ti thu tak tak an awm leh thin vang hian hnathawk te nen innghirnghona a chhuah phah fo a ni.

Thailand ram ah hnathawk tu hmeichhe pakhat chu a thawhna a an hotu ber chungah a lungawiloh leh thinrim luat vangin warehouse a halkang hluah tih hriat ani.

Ann Sriya, 38 hian paper hal hmasa in tui alh thei awmna fuel container ah chuan a vawm kai a Prapakorn Oil warehouse chu melhalh chuan a tuam zui nghal a ni tih MailOnline in a tarlang a. Thil thlenna hi Nakhon Pathom province ah a nia, November 29 lawk khan a ni

Kangmei tichhuak tu Ann Sriya chu thil thleng ah hian an man. Thu an zawhfiahna ah kangmei chhuak chu a thil tih a ni tih in puang bawkin amah chhawrtu a boss Pipat Ungprapakorn chuan a sawisel fo thin a, hrehawm leh ninawm a tih luat vangin heti hian a che ta mai a ni tih a hrilh.

CCTV footage atang pawhin Sriya thiltih hi chiang takin a lang bawk. Warehouse ah hian oil tanks thahnem tak a awm vangin a kang duh hle a ralkhat atang pawn meikhu a zam nasa viau tih a hmuh theih.

40 fire engines ai a tam in kangmei thelh hna thawh a ni a, kangmei hian a tihchhiat hlut zawng hi 40 million THB ($1.2 million USD) vel a ni.

Tun hi he Factory a kangmei chhuah vawi 2 na a ni tawh a, Sriya hi kum 9 chhung Prapakorn Oil ah hian hna a thawk. A thinrim in a a thil tih hian hetiang chhiatna hi a thlen tir ang tih a hriatloh thu a sawi a, a chungthu ngaihtuah turin custody ah Police ten an kawl mek.