Mizo Elite News hi ṭha i tihzawng a nih chuan min lo Follow dawn nia

Amah Ai A Kum Naupang Te Nunna Chhan Nana A Ventilator Kian Tu Pitar Kum 90 Mi Chu

He pitar thil tih hi sawilan loh theih pawh a ni lo. A hmasial loh dan em em hian rilru a khawih a, a ropui tak zet a ni.

Belgium pitar fakawm tak mai Suzanne Hoylaerts hi kum 90 mi a ni a Binkom, Lubbeek bula awm a ni. Thawk lam harsatna a tawk a, test an neih chuan hripui Covid19 chu alo vei ve reng mai.

Damdawiin ah an admit a, khunghrang in isolation ward ah awm tir a ni. Doctor ten Ventilator hman tir an tum chu a lo duh der lo. Hospital ah hian ventilator hi an indaih lo hle niin an sawi.

Suzanne Hoylaerts chuan siamchawp artificial respiration hman ka duh lo tiin a lo hnial fithla ṭhak a, a hman tur ai chu amah aia kum naupang zawk te hman tir a an nunna chhansak tura ngen in a ni chuan nun hahdam leh thlamuang tak a neih tawh thu alo hrilh a ni.

Hemi hnu lawk a ni hnihna ah March 22 khan a boral zui nghal. A fanu Judith chuan “a hnen ah in mangṭha na thu pawh ka sawi hman lo a, a vuina a tel turin chance ka neilo” a ti.

Judith chuan a nu hian pawn a chhuak ngai silo a lockdown vangin theihtawp in an fimkhur a engtin nge virus hi a kai theih tih an hriat loh thu a sawi. Suzanne Hoylaerts hi a chet dan hmasial lo tak vang hian Social Media ah hriat a hlawh phah viau a ngaisangtu a ngah hle bawk.

MailOnline