Mizo Elite News hi ṭha i tihzawng a nih chuan min lo Follow dawn nia

Alien Anga Lan A Tumna Kawngah A Kut Zungtang Tha Lai Pahnih A Tanchhum

Mak leh danglam duhna khawvel hi zawng a buaithlak a ni. French pa Anthony Loffredo hi a pianchhuah dana lungawilo ber zinga mi a ni. “black alien” tia hriat hlawhin a taksa pawh a khawih danglam nasa tawh hle.

A hnar leh a hmui chung lam te chu zaiin a beng chu a hleh tir bawk a, a taksa pum chu tattoo ziah tir in a mitmu chenin tattoo hi a nei a ni. Hei bakah hian a lei (tongue) chu a zei kak tir bawk.

Tunah Anthony Loffredo hian a tum ram thleng turin a kut zungtang tha lai pahnih te chu a tanchhum tir leh. A kut tang a tan chhan pawh rannung kethiah ang ‘claw’ neih a duh zawk vang ani.

Heti khawpa a taksa a siam rem tawh chung pawn a tum ram thleng turin 34 per cent chauh procedures hi ala hmachhawn niin a sawi. Instagram a Black Alien Project ah chuan a kut tang a tanchhum hi a phochhuak bawk.

2017 khan French paper Midi Libre hnen ah kum naupang te a nih atang a taksa siam that hi a duh thu alo sawi tawh a, Anthony hi an ram ah taksa siam danglam tura Operation neih hi dan phalloh a nih vangin Surgery nei tur hian Spain a pan vang vang a ni.