Mizo Elite News hi ṭha i tihzawng a nih chuan min lo Follow dawn nia

Alaska Khaw Vawt Tak Hnuaiah Naute Pianghlim Chu A Hringtu Ten An Kalsan, Lehkha A Thuziak A In Zep Tel Bawk

Khawvawt tak leh vur tla kara kalsan tur hian an fa sen pianghlim deuh chiah hian engthil nge tihsual a neih. A hringtu hian a rila rah ngei hi a pawm thei ngang lo tihna em ni. Rilru ah zawhna a piang hnem hle mai.

Kum thar ni tak ah khan Fairbanks, Alaska ah chuan nau piang hlim chu cardboard box ah hnuchhiah in kalsan a ni a, Alaska State Troopers tarlan danin naute chhar hun hi 2pm local time vel khan a nih thu an sawi.

He naute hmu hmasa ber tu hi Fairbanks a cheng Roxy Lane a ni a, naute a hmuh hlim hian blanket a tuam in a bulah chuan lehkha a thuziak alo inhnuchhiah bawk.

Lehkha ah chuan “khawngaih in min ṭanpui rawh” tiin bul a inṭan a. “December 31, 2021 dar 6am ah ka piang a, ka pian tur ai hma chawlhkar 12 ah khawvel eng ka hmu. Ka nu in chawlhkar 28 ah min nei a, min enkawl tur hian min hringtu leh ka pi leh pu ten pawisa leh ei tur an nei lo. He thil hi an duh leh tum reng vanga ti an nilo a nia”

“Ka nu phei chu a lungngai lutuk ani. Khawngaihin hmangaih taka min enkawl a min kuangkuah thei tu tur min hmuh sak la, ka hming chu Teshawn a ni e” tiin lehkha ah chuan alo inziak ani.

A hriselna dinhmun enfiah tur hian damdawiin hnai ber panpui nghal a ni a, state troopers chuan naute hrisel na a ṭhat thu leh a chungah eng harsatna mah a thlen loh thu an puang ani. Thil thlen lai hian temperature hi 1 degree ah te a tlahniam.

Roxy chuan Social Media ah naute chungchang hi a tarlang a. A hringtu te chu an kum ala naupan vangin Safe Haven laws hi an hre lem lo niin a lang a, he Safe Haven laws ah hian an fa enkawlna a harsatna tawk nu leh pa te chuan an fa chu hospitals, biakin, fire stations leh police stations ah te an hlanchhawng thei ani.