Mizo Elite News hi ṭha i tihzawng a nih chuan min lo Follow dawn nia

Aishwarya Rai Bachchan Te Nufa Dinhmun A Ṭha Hleithei Lo

Bollywood ti ti ber leh ngaihven ni chho mek chu Bachchan chhungkua te Coronavirus in a luhchilh thu hi a ni a, Amitabh leh a fapa Abishek Bachchan te chu Covid19 an vei tih hriatchhuah hmasak an ni.

Amitabh te pafa hnu ah Bachchan monu Abishek nupui Indian Actress & Former Miss World, Aishwarya Rai Bachchan leh a fanu kum 8 mi Aaradhya te chuan hripui hi an vei tih puanchhuah leh a ni.

Amitabh te pafa Hospital a an in enkawl laiin Aishwarya Rai Bachchan te nufa erawh an chenna in lamah inkhungin home quarantine an nei a. Amaherawh chu vanduaithlak takin Aishwarya te nufa hian ziaawm lam an pan hleithei meuh lo.

Thawk lam ah an nufa hian hatsatna an nei a, an dinhmun in ṭhat lam a pan theih loh vang hian Aishwarya leh a fanu Aaradhya te chu damdawiin ah enkawl tura an luh ve leh tak thu tarlan a ni.

Amitabh leh Abishek te hi Nanavati damdawiin ah enkawl an ni a, he damdawiin ah vek hian Aishwarya Rai Bachchan te nufa pawh hi admit an ni ve leh.

He hri zet hi chuan hausa leh retheih a thliar hran loh ang chiah in mi challang leh lar deuh te pawh a kal kan bik chuang lo.

The Tribune