Mizo Elite News hi ṭha i tihzawng a nih chuan min lo Follow dawn nia

Aishwarya Rai Bachchan Leh A Fanu Te Covid19 Aṭang An Damchhuak

Bollywood Actress, Aishwarya Rai Bachchan leh a fanu kum 8 mi te chu Covid19 vanga damdawiin a enkawl an nih hnu ah dam taka hospital chhuahsan in in lamah an haw ta.

Aishwarya Rai Bachchan leh a fanu Aaradhya te hi Mumbai Nanavati Hospital ah enkawl an ni a, ni 10 lai damdawiin ah hian an awm.

Abhishek chuan a nupui leh a fanu te damdawiin aṭanga an chhuah thu hi Twitter ah a rawn tarlang a, amah leh a pa Amitabh Bachchan te erawh damdawiin ah hian Medical Staff te enkawlna hnuaiah an la awm thu a sawi bawk.

Abhishek leh a pa Amitabh Bachchan te hi July 11 khan Covid19 vangin damdawiin ah admit an ni a, a hnu ah Aishwarya te nufa hi an positive tih hriat leh niin in lama inkhunghranna an neih hnu ah ziaawm lam an pan hleih theih loh vangin July 17 khan damdawiin ah hruai luh an ni ve leh.

NDTV