Mizo Elite News hi ṭha i tihzawng a nih chuan min lo Follow dawn nia

Aish-i pasal Abhishek Bachchan Hospital aṭang chhuak; He hri hi ka hneh dawn tih ka hrilh ang che u

Amitabh Bachchan fapa Abhishek Bachchan chu Covid19 vanga damdawiin a hun eng emaw chen a awm hnu ah hripui hneh in a dam ṭha tawh a damdawiin a chhuahsan ve ta.

“Vawiin chawhnu khan Covid19 test ka neih leh chu a negative ve ta, in mi ṭawngṭai sakna leh chakna thar min pe tu te chungah lawmthu ka sawi a ni. In lama ka haw thei tawh tur hian min ti hlim a,Nanavati Hospital a doctor leh staff te he hripui covid19 hneh tura kei leh ka chhungkua te ṭha taka min enkawlna leh buaipuina ah hian thinlung takin ka lawm bawk a ni, in tello chuan tun dinhmun hi kan thleng thei dawn lo” tiin Abhishek hian a sawi a ni.

Abhishek hi a pa Amitabh Bachchan nen July thla khan Covid19 an vei tih hriat a ni a Nanavati Hospital ah enkawl an ni nghal. Amitabh hi test an neih leh hnu ah negative in an chenna in lamah haw tir a ni a Abhishek erawh hri a la vei vangin a negative result hun nghak in damdawiin ah hian alo la chambang rih thung.

An pafa bakah hian a nupui Aishwarya Rai leh a fanu Aaradhya te pawh in hri hi an vei ve bawk a chawlhkar khat vel damdawiin a an awm hnu ah dam takin damdawiin an chhuahsan. Abhishek hi Bachchan chhungkaw zinga Covid19 hneh tu hnuhnung ber a ni.

Hindustan Times