Mizo Elite News hi ṭha i tihzawng a nih chuan min lo Follow dawn nia

AIIMS Report Chungchang Ah Sushant Singh Rajput Chhungkua An Lawm Lo

Sushant Singh Rajput chhungkua chuan an hmangaih an fapa leh unaupa boralna chungchang ah dikna an duh chu an la hmu hleithei lo. AIIMS lam report chungchang ah an lungawilo hle bawk.

AIIMS lam chuan SSR thihna kha thah a ni tih leh tûr (poison) a tel tih sawi awm chu an nuai bo a, Sushant kha mi thah nilovin a maha intihlum ngei in an kal tir. A taksa ah tûr lam chi reng reng hmuh a nilo bawk tih an sawi.

AIIMS Forensic Medical Board a chairperson lai Dr Sudhir Gupta chuan Sushant kha mahni intihlum a ni tiin a puang mauh si a, thil dang engmah a thihna ah hian a awm lo a ti.

Hei hian SSR chhungte nasa takin a ti thinur. AIIMS te endikna ah hian thil felhlel a awm tiin chhungkaw lawyer Vikas Singh chu CBI hnenah a zualko leh. He Autopsy rin ngamloh hi medical board thar ennawn leh turin investigative agency te a ngen.

AIIMS ah hian forensic doctors 6 laiin an endik hnu ah mahni intihlum tiin CBI ah an report tih a ni. CBI lam in official statememt engmah an siam lo thung.

SSR chhungte hian Medical Board te endikna hi an ringlo bur. A kawi leh kalh zawnga che ah puhin thu tawp siam turin finfiahna evidence chiang tawk an nei bik hauh lo an ti. AIIMS hian Sushant taksa an kawl lo hrim hrim a, postmortem report awm sa aṭang an rindan thu maiin mahni inthat tiin a thih chhan ah hian thutawp siam ah an puh. Sudhir Gupta chu ‘unethical & unprofessional’ an ti zui bawk.

Sushant chhungte hian SSR kha thah ngei a ni tih an ring nghet hmiah. Hetih lai mek in a bialnu Rhea Chakraborty chu vawi 2 lai a Bail dilna hnawlsak a nih hnu ah High Court in nimin October 7 khan Bail in a chhuah tir. Rhea bail a a chhuak pawh hi SSR chhungte chu an lawm vak lo ang.

Scroll