Mizo Elite News hi ṭha i tihzawng a nih chuan min lo Follow dawn nia

Afghan Pa In An Damkhawchhuah Nan A Fanu A Hralh Phah

Taliban ten Afghanistan an awp atang ei leh bar ah nasa takin an tam a, an dinhmun pawh a chau hle. Chhungkua inhmangaih te pawh an inthen a tul phah ta a ni.

Afghan pa khawngaihthlak tak chuan a fanu chu a duh lo chung hralh ngei a ngai a, hei hi an damkhawchhuahnan leh ei leh in an hmuhna tur atan ti a ni. A fanu kum 9 lek chu putar lam tawh kum 55 mi hnen ah a hralh a, ei leh in tur an lei theih nan a ni.

Hmeichhe naupang hi a hming Parwana Malik a nia,northwestern Badghis province a Afghan displacement camp ah an cheng. Humanitarian aid leh nitin inhlawh a ni khata £2 hlawhchhuak in an intung nung ve hram hram. Mahse Taliban ten August thla a Afghanistan an awp atang khan harsatna an tawk.

Parwana lei tu hi Qorban a ni a, CNN te tarlan danin a pa Abdul Malik hian a hlan dawn ah mittui nen ti na lo turin a ngen hram hram. “I kut ah a awm tawh a, khawngaihin lo enkawl tha rawh. I mawhphurhna a nih tawh vangin vua in natna thlen lo hram ang che aw” tiin a pa hian a ngen mawlh mawlh mai.

Human rights group te chuan chhungkaw tam tak ei leh bar an tlachham a, an fate hralh lo thei lovin an awm tawh an ti. Abdul chuan CNN ah chhungkua eng emaw zat te thil tawn rapthlak tak ah beiseina kawl a eng a beisei. Chhungkaw 8 an ni a, chhungkaw member dang damna tur a tan a fanu hi hralh a ngai tih a sawi.

Parwana leitu hian an chhungkaw mi anga enkawl a tum thu a hrilh. Abdul chuan hnathawh tur dang te dap ve bawk mahsela an mamawh phuhruk khawp tur a hmuchhuak thei ngang lo. Midang harsatna tawk pawh an awm nual.

central Afghanistan a Hindu Kush province a cheng Ruhsana Samimi, 56 pawh in “kan tam tak zet. Laina hnai atang tak ngial pawn tanpuina kan hmu thei silo” tiin tu emaw talin an tanpui chuan a tunu a hralh a ngai dawn lo tih Abna news agency in an puang hial. An tawrhna hi a rapthlak em mai.