Mizo Elite News hi ṭha i tihzawng a nih chuan min lo Follow dawn nia

Afghan Naupang Te Chu Uniform Inbel Chungin School Khar Hma Ah Chuan An Ding

An khawngaihthlak khawp mai. Hma hun eng tak tak an nei ve ngei awm si a, Taliban hel pawl suah sual lutuk vang in an hma hun leh an suangtuahna neih ve chhun zawng zawng te chu puitlin thei lo in an awm phah thei.

Taliban kut a Afghanistan a tluk luh khan rilru a lang hmasa ber chu naupang leh hmeichhia te dinhmun tur mawlh hi a ni. A hma a an thunhnuai a an lo kun tawh ah khan hmeichhia ten nasa takin rahbeh leh hnuaichhiah an tawk.

Afghan mipui ten an ram luah ngam lovin Airport ah an innek tuau tuau a, nunna chan phah pawh an awm nual. Radio presenter Maz Hakim in Afghan naupang hrilhhai tak tak te Uniform ha a an thlalak chu a rawn phochhuak.

Heng naupang duhawm tak tak te hian School kalna tur pawh an nei tawh lo. An school khar tawh hma ah chuan Uniform nen bag ak chungin an ding thap. Maz Hakim chuan zirtirtu ten an zirlai hmeichhia te an mangtha a tul tawh thu leh hmeichhia ten zirna an dawn ve a thiang tawh lo tiin a rawn ziak.

Taliban ten a hma a an ram a awp khan hmeichhia te chu hnathawk leh School an kal ve pawh phalsak an ni lo. Hei mai bakah khawlaia an chhuah in an taksa te chu langlo turin an khuh bo vek tur a nia, mipa in an zui tur a ni bawk.