Mizo Elite News hi ṭha i tihzawng a nih chuan min lo Follow dawn nia

Afghan Hmeichhia Protester Chu Silai Nen An Tin, Mahsela A Zam Hauh Lo

Taliban ten Afghanistan ram an lak atangin ralmuanna ala awm hleithei lo. Hmeichhia leh naupang te dinhmun an khawngaihthlak hle a, Afghan hmeichhia ten an dikna leh chanvo te beisei in ralmuang taka an awm theihna tur in theihtawp in an bei.

Thawhlehni khan Kabul ah Protest an nei. Thlalak thar rawn chhuak chuan Taliban in lalna leh thuneihna an hrawt nasat zia a hmuh theih. Afghan nu pakhat chu Taliban suaksual in silai hmangin a awm (chest) zawn ah a lo tin ran mai.

Tolo News journalist, Zahra Rahimi chuan Twitter ah a post. Taliban fighters in silai hmang a a tin mek lai hian he hmeichhia protester hian zamna reng a nei lo tih a hmuh theih a, a kiangah protestors dangten placards an keng bawk.

Silai mu dawng thei reng a ni chunga hlau leh timna neilo a hmachhawn tu hmeichhia hi Social Media ah a viral chiam. National capital Kabul ah protest an huaihawt a, mi 300-500 an pungkhawm. Militant fighters te hian protester neihna hmun atang kilometres tlem te ah an thlithlai reng, an lungawilohna lantir hi khap daih phet an tum.

Van lam hawi a silai hmehpuah a ni a, heti chung pawh hian Protester te hi timna nei lovin an dinna ngaiah an la tang mar pat reng tho a ni.