Mizo Elite News hi ṭha i tihzawng a nih chuan min lo Follow dawn nia

Afghan Hmeichhia Chu A Mit Ah Chemte Hmanga Vih Sak A Ni

A nat dan tur hi sawiin a siak lo. Misual ho vang in a mit khawhmuhna chu tihchhiat sakin a awm.

Afghan hmeichhia kum 33 mi Khatera tia koh chu misual rual 3 in beiin a mit khawhmuhna chu chemte hmangin an lo vih chhiat sak a ni.

Hei hi Afghanistan’s central Ghazni province a Police Station pawn lama thleng a ni a, Khatera hi crime branch ah officer hna chelh thar hlim a ni bawk.

Khatera sawidan chuan Station a chhuahsan hnuin motorbike ah mipa 3 chuang te chuan an lo lambun a, an chemte ken hmang chuan a mit ah vitin hliam tuarin an kalsan thu a sawi.

Thla 3 liam ta aṭang khan Station ah hian hna a thawk ṭan a, pawn lama hnathawh hi a lo suangtuah ṭhin niin a pa erawh in a hnathawh chu a remti lo hle thung. A pasal a chhawk zangkhai ve theihna ti mahse a pa ngaihdan erawh a nilo.

“Duty tura ka kal in ka pa hian vawi tam tak min zui ṭhin” tiin a sawi a, an area hnaiha Taliban te chu bia in a hnathawh na ah thlithlai turin a ti a, a ID Card te a pe tih hriat a ni bawk.

Hetia beih a tawh hnu hian hospital ah enkawl a ni a. A harhchhuah leh meuh chuan a mit in khua a hmu thei tawh lo. Doctor hnen ah “engvang in nge thil engmah ka hmuh theih loh?” tiin a lo zawt a, doctor chuan a dinhmun chu a hrilh fiah a ni.

Khatera chuan a mit khawhmuhna chauh nilo in a thil duh leh suangtuahna, mahni a bul a ṭanna tur pawh tihchhiat a ni a, a hnathawh chhung hun reilo te chauh a la nih laia a chunga vanduaina a thleng hi a ngaithiam lo hle. Amah hliam tu te chu hremna pek ngei ni se tih a phut.

Ghazni’s police spokesman sawidan chuan he thil ti tu te hi Taliban militants niin an sawi a,Taliban te erawh an pha thung. Khatera pa pawh custody ah a fanu chunga thil thleng ah hian hren a ni bawk.

Khatera chuan a chunga thleng vang hian mutmu pawh a tuah ṭha thei lo tih a sawi a,motorbike engine thawm te chuan amah a tihhrehawm thu a sawi hial. A pa an man avang hian a nu phei chuan a dem phah hle nghe nghe. Khua a hmu leh thei a nih chuan a hna chhunzawm leh a tum tih a sawi bawk.

The Sun