Mizo Elite News hi ṭha i tihzawng a nih chuan min lo Follow dawn nia

Afghan Nu Khawngaihthlak Tak Tak Te Chuan An Fate Himna Turin Barbed Wire Kar Atang Sipai Te Kutah An Hlan

Afghan nu ho hi an lainatawm mang e. An fate chu an kut ngeia enkawl seilen duh hle mahse Taliban ten an ram an awp beh tlat vangin an rila rah fate pawh an kiangah awm tir an ngam lo.

Afghan nu beidawng tak tak te chuan an fate chu British Sipai te kutah an hlan lai thlalak chu Internet ah a darh nasa hle. Heng nu ho hian Muslim terrorist te dan zam khirh tak hnuai a an fate an seilian tur chu an ngai ngam lo tih an sawi a ni.

Kabul Airport ah chuan thirlen a hungna barbed wire kar atang te in an fate chu Afghan nu khawngaihthlak tak te hian British sipai kutah harsa takin an hlanchhawng. “Ka naute hi min chhan sak hram ru” tiin sipai te lamah hian an thehphei hlawm.

Sipai pakhat chuan Taliban rorelna hnuai ah hian Afghan nu te hi an nun a ralmuang lo. Kutthlak leh sawisak an tawk bawk. An fate ralmuang taka an nun theih nan hmun him lam a thawnchhuak turin thutlukna an siam tih a sawi. Hetia nu leh fa te inthen lai hian an mittui a tla deuh vek bawk a, naute thenkhat te chu barbed wire ah hian an tla a, thil thleng rapthlak leh hmuh hrehawm tak a ni.

Heng an fa duat em em te hi khawi hmun lam nge an panpui dawn a, tu ten nge lo enkawl ang tih pawh engmah an hre bik lo a. Dam in an inhmu leh kher dawn em tih pawh an ngaihtuah hman tawh lo. An duh ber chu Taliban nunrawng te lak a ta chhuah zalen chu a ni.