Mizo Elite News hi ṭha i tihzawng a nih chuan min lo Follow dawn nia

Adele Leh A Bialpa Nia Sawi Skepta Te Inkar A Lang Chho Zel

British singer lar leh hmeltha tak Adele hi hmangaihna lam ah a thawm dai viau thin mahse ngaihsak lo tawp erawh a ni biklo tih chu a rawn lang chho ve zel a ni.

Kum 33 a upa Adele hi mipa pakhat Skepta, 38 nen sawizawm mek an ni a, an inkar chungchang hi Media te ngaihven pawh a hlawh zual a, hrechiang chak reng reng in an beng an tun hru hlawm.

PageSix in a tarlan dan chuan Adele leh Skepta te hi California a San Bernardino dawr pakhat ah hmuh dun an nih thu an sawi a, he an dawr kalna hi discount na hmun Prada store ah hmuh dun an ni.

Source in a sawidan chuan Adele hian a bialpa thar hi thuamhnaw vel a leisak ni awm tak a ni. Mit ngei a hmutu te chuan Adele hi thutna ah thu in Skepta hian sweaters leh pants vel a thlang lai alo en kual mai mai an tih an sawi.

An pahnih inkar hi vawikhat sawizawm an nihna mai a ni tawh lo a, 2019 atang khan inngaizawng ang a tarlan alo ni tawh. Mahse October 2020 ah Adele hian a single thu Saturday Night Live a host tumin a sawi daih.

Insider in a tarlan dan chuan Adele hi a pasal Simon Konecki nen an inkar an chhutchah fel hnu lawk ah Skepta nen hian an inzui a, London khawpui ah te pawh hlim taka hmuh dun an nih thu an ziak lang.

Adele leh a pasal hmasa Simon te hi kum 7 zet an awmdun hnu ah April 2019 ah an inthen a, September 2019 khan Adele hian a thenna tur a file a ni.