Mizo Elite News hi ṭha i tihzawng a nih chuan min lo Follow dawn nia

Accident Vanga Kal Thei Tawhlo Chuan An Inneihni Ah A Pasal Thawng Thutin A Biangah Mittui A Luantir

Mo nu chuan a kawrfual nen a pasal awmna lam pana an inneihna maicham a zawh lai chu inneih hunserh a midang te thinlung khawih tu ber a ni.

Chelsie Hill, 29 hi a chunga vanduaina thleng ah ramtuileilo in a awm phah a, a ke hmang thei lo in Wheelchair lo chuan hmun dang ah a kalsawn thei tawh lo. Pasal a neihni chuan a pasal tur tan thil dangdai leh thawng dawt thei tur tihsak a duh a, a ke hmanga a dinchhuah theih nan Leg Brace vuah chungin an inneihna maicham lam a pan phei.

Hill hi Los Angeles a wheelchair dance team, Rollettes Founder leh CEO a ni. Kum 2010 atang khan a kawng a chin hnuai lam chu zengin a che thei tawh lo.

An inneihni a hunserh an hmanna tur maicham lam a pan phei chu a pasal tur Jay Bloomfield biangah mittui a luang hial a, inneih chhimtu dangte rilru pawh a khawih hle.

Jay Bloomfield leh Chelsie Hill te hi 2014 atang khan an inzui tan a, inneihna hi Hyatt Regency Huntington Beach ah hman a ni. Jay Bloomfield chuan Hill hi tuna a awmdan leh dinhmun ah lawm takin a pawm a, Hill pawh in a chunga heng thil a thlen hnu ah amah hmangaihtu tur tawng theia a inbeisei loh laiin a nihna ang anga hmangaihtu a tawng chu a lawmzia a pasal Jay Bloomfield hnenah chuan thu tiamna an neih laiin a hrilh.

Mo kawr nena inneihna tur hmun maicham lam zawh chu alo suangtuah ve fo thin a ni a, a nuna hun pawimawh lai ber a ni a ti. Hill hian a ke hmang thei lo mahse hmeichhe tumruh tak a ni a, a nuam tih zawng lam pan nan a harsatna chu indal tir a duh loh bakah indawmkun nan hman a tum bau lo bawk.