Mizo Elite News hi ṭha i tihzawng a nih chuan min lo Follow dawn nia

A Zirlai Pui Mi 4 Lai Nunna Laksak Tu High School Zirlai Nu Leh Pa Te Chu An Fapa Pawikhawihna Vangin Man Tel An Ni

Thawhlehni kalta mai khan Michigan rawlthar pakhat Ethan Robert Crumbley (kum 15) chuan a School luhna Oxford High School ah silai a hmetpuak a, a zirlai pui mi 4 lai a kahhlum bakah midang 7 te hliam a tawrh tir a ni.

Nunna chan te hi Hana St. Juliana, 14, Tate Myre, 16, Madisyn Baldwin, 17 leh Justin Shilling, 17 te an ni. Ethan Crumbley hi tual a thah vang hian man nghal a ni a,a lakah thubuai siam niin kum 18 tling lo mahse kum tling in case hi an ziak.

Hliam zinga 2 phei chu an dinhmun a thalo sawt hle. Hmeichhia kum 17 chu a awm (chest) ah silai kahna ah hian hliam a nei a, Pontiac a St. Joseph Mercy Oakland ah awm in enkawl mek a ni a. A dinmun hi a ngaihtuahawm viau tih hriat a ni bawk.

Ethan Crumbley silai hmeh puah a mi 4 zet thihna rapthlak thleng ah hian a hringtu nu leh pa te lakah pawh thubuai siam a ni. James leh Jennifer Crumbley te nupa hian silai hi an fapa tan hian leisak in a hlauhawmzia hre reng chunga Christmas gift atan a pe an ni tih an tarlang.

Oakland County Sheriff Michael Bouchard chuan a zirlai pui te chunga thihna rapthlak thlen tir hi tihpalh nilo in tum reng vang zawk a nih thu leh ruahman lawk sa vek a ni tih Inrinni a press conference neihna ah a sawi a,a fiahna turin evidence pawh a awm tih a sawi a ni.

Ethan Crumbley hringtu nu leh la James leh Jennifer Crumbley te nupa chu koh an ni a, mahsela an fapa tihsual ah hian mawhphurhna la ngam lovin an tlanchhia. Zawn an nih hnu ah Police ten Detroit commercial building ah awmin an man. Zoom hmangin hearing hi neihpui an ni.

Nu ber Jennifer Crumbley phei chu judge te zawhna pawh chhang thei lo in mittui nen hun a hmang. Judge Julie Nicholson chuan Ethan nu leh pa hi $500,000 ve ve pawisa chawi turin a sign hnan bawk a, Defense attorneys chuan Crumbleys te nupa hi tlanbo an tum lo a, lawyer hmuh an tum zawk tiin a phat mawi sak. An fapa Ethan tual thahna avang hian an chungthu chu a rit ve khat hle ang. Thiamloh chantir an nih chuan kum 15 thleng Jail bang zut thei dinhmun ah an ding.