Mizo Elite News hi ṭha i tihzawng a nih chuan min lo Follow dawn nia

A Vawih Hmanga Sumdawnna Kalpui Tu Hmeichhia Kha Damdawiin Ah Enkawl Mek Niin Vawih Hralh A Bansan Tawh Dawn

Vawih hmanga sumdawnna nei tu US Reality star pakhat lar zui zet kha kan la hre theuh ngei ang. Connecticut a cheng Steph Matto, 31 hian a vawih hralha tluang taka a sumdawnna a kalpui hnu in damdawiin ah hruai ngai khawpa a awm thu hriat ani.

New York Post in an tarlan dan chuan Steph Matto hian a awm (chest) bawr ah na a nei a, a thawk lamah buaiin heart attack emaw stroke nei ah a inngai a, a thian pakhat chuan in damdawiin ah a kalpui.

Doctor lam in a taksa a harsatna awm chu an enfiah thuai a, blood tests leh EKG te an neih atang in Steph Matto hian a sumdawnna a ṭhanlen chhoh zel theih nan, a vawih khawl tam a duh luata vawih pechhuak thei tur chi beans leh artui vel a ei nasat lutuk ah gas intiangkhawm in chu chuan a taksa ah hian harsatna a thlen phah ta ani.

Taksa lama natna leh harsatna a tawh hnu hi chuan a inhmuchhuak ve ta a ni chek ang chu. Vawih hralha a sumdawnna pawh chu chawlh a duh thu a puang nghal bawk.

Steph Matto hi reality show pakhat “90 Day Fiancé” aṭang in mite hmelhriat a hlawh chho ṭan a, YouTube hmang te a inthehlar zui zel in a larna ber vawih hralh hi nikum November khan puitling site pakhat Unfiltrd lama ngenna a hmuh hnu ah bul a ṭan ani.

A vawih te hi saidawium ah thun in Jar khat zel chu $1,000 (Rs 74,000) in a hralh thin a, chawlhkar khat chhung in a vawih ah hian $50,000 chuang a hmu thin a, a vaiin in $200,000 lai a hlawhchhuak tawh.

November thla a vawih a hralhchhuah tan khan midang te hnen atangin fak leh selna bakah thi tura vauna thleng te pawh a dawn phah hial tih a sawi.