Mizo Elite News hi ṭha i tihzawng a nih chuan min lo Follow dawn nia

A Vawi 4 Na Atan Kanika Kapoor Covid19 Positive, A Chhungte Ngaihṭha Lo

Zaithiam Kanika Kapoor chu a vawi 3 nan Coronavirus a Positive a, a vawi 4 na test a nih leh hnu pawh in a la Positive tho. Test Report vang hian Kanika Kapoor chhungte lam pawh an mangang in an ngaih a ṭha tawh lo hle.

March 20 khan Kanika Kapoor hi Covid19 a positive tih hriat a ni a, March 9 khan London aṭang India ah kirin Kanpur leh Lucknow ah te a kal nghal a, khuh leh khawsik in a tlakbuak hnuah a in test chuan alo Positive reng a ni.

Positive tih puan a nih hnu hian Party na a a kal vang te in dem a hlawh nasat phah. Dahhran niin Sanjay Gandhi Post Graduate Institute of Medical Sciences (SGPGIMS) ah admit a ni. Kanika hian enkawlna ṭha tawk a dawn loh vangin a lawngawi loh thu alo sawi nghe nghe bawk.

Hetia a vawi 4 lai a test report ah recover la nilo a ala positive avang hian a chhungte lam ngaih pawh a ṭha tawh lo.

Chhungkaw member zinga pakhat chuan “Test report avang hian kan mangang tawh hle. Kanika hian treatment a dawng ṭha lo niin a lang a ni. Kan theih chhun chu atana ṭawngṭai chauh a ni” tiin Kanika Kapoor chungchang hi a sawichhuak. Hetih lai hian SGPGIMS a Doctor te chuan Kanika dinhmun hi a tha (stable) an ti.

News18 & TOI