Mizo Elite News hi ṭha i tihzawng a nih chuan min lo Follow dawn nia

A Unaupa Nupui Neihni A Ei Leh In Tur La Bang Te Chu Mamawh Tu Te Hnenah A Sem Hlawm

Inneihna zawh hnu ah heng ei leh in tur te hi dah hrang in midang tan malsawmna thlentu ah a hmang tangkai ta hlauh a, mamawh tak tak tu te hnen ah chuan an ei ve turin a semchhuak.

India ram inneihna hman thin ah hian ei leh in tur buatsaih kawngah an hnianghnar thin khawp mai. Ei sen loh pui pui thlengin an in seng ral nual thin. West Bengal a inneihna buatsaih ah pawh hian ei sen loh khawp in an buatsaih a, mahsela hei hi midang tan malsawmna alo ni hlauh thung.

Hmeichhe pakhat Papiya Kar tia koh hian a unaupa nupui neihna a ruai ei tur an buatsaih a ei leh in tur la chuang bang zawng te chu sengkhawm in Ranaghat station ah a kalpui a, ei tur mamawh tak tak tu te hnen ah a semchhuak tih hriat a ni.

Inneihna a photographer Nilanjan Mondal chuan station a Papiya Kar in ei tur a semchhuak lai hi a thla alo laksak. Papiya Kar hi inneihna a a thuamhnaw inbel pawh a thlak fel hman lo. Bucket ah chuan ei tur te hi dah in paper plates hmangin a sem a ni.

Thlalak hi Social Media ah thehdarh a nih atang Papiya Kar thil tih leh a remhriatna chuan mite fak a hlawh nasa khawp mai. Mamawh tu te tana malsawmna a thlensak vangin an chhuan zia an hrilh. Tun chauh hi Kar hian tanpui ngaite pui tura ke a penchhuah vawikhatna mai a nih tawh loh thu an sawi bawk a, a hma pawh in tanpuitu ah alo tang fo tawh thin a ni.