Mizo Elite News hi ṭha i tihzawng a nih chuan min lo Follow dawn nia

A Unaupa Leh A Mipa Kawppui Tan Fa A Hrin Sak

Tunlai khawvel ah chuan mipa leh hmeichhia pawh a sawi theih tawh loh a. Neih in ang inkawp hi tam tak hriat tur an awm tawh.

Anthony Deegan, 38 leh Ray Williams, 30 te hi mipa ve ve an ni a, mahsela an in hmangaih miau avangin an pahniha awm tlangin an khawsa dun mek a ni.

An pahnih hian fa neih duh viau mahse an nei thei lo. A chhan pawh a pa ve ve an ni a, nei tur chuan hmeichhia a awm a ngai. Hei vang hian an fa hrinsak turin midang an rawih mai a tul bawk.

An fa tur Surrogate kaltlang a neih sak tur hian midang an ngaihven ru reng. IVF atan £36,000 loan lai an la a, mahsela an fa hrinsak tur an zawn lai in Anthony unaunu Tracey Hulse, 42 chu nau neihsak tur hian a rawn penchhuak a ni.

Anthony leh Ray te hian an chi (sperm) chu an Donate ve ve a, amaherawhchu an fa lo piangah hian a khawi zawk nge a pa dik tak zawk tih hi hriat an duh lo ve ve a ni.

Tracey Hulse hian a unaupa Anthony Deegan leh a kawppui Ray Williams tan October 12, 2020 khan fa duhawm tak a hrin sak. Tracey hian aman fa 6 a nei tawh bawk.

Anthony chuan a unaunu in hetia fa a hrin sak leh hnu hian tunhma ai khan an inkar inzawmna chu a nghet zual leh sawt thu a sawi a,a hma in a pasal neihna ah a pa a kal theih loh vangin a pa ai alo awh sak tawh a ti a ni.

“Kan tana a thil tih zawng zawng hi rulh zawh theih a ni ngai lo ang” tiin a sawi hial reng.