Mizo Elite News hi ṭha i tihzawng a nih chuan min lo Follow dawn nia

A Unaunu Tana A Inpumpekna Hi A Ropui Hle Mai

Florida, US a cheng hmeichhia Aliciamarie Rodriguez, 31 hian a unaunu tan thil ropui tak a lo tih sak a, hriselna lama harsatna tawk a unaunu Amanda, 28, tan hian fa a hrinsak a ni.

Amanda hi University of Florida ah academic advisor a ni a, kum 2014 khan stroke natna in a tlakbuak. Hetih lai hian kum 22 lek a upa a la ni. Antiphospholipid Syndrome (APS) an tih chu a vei tih hriatchhuah a ni leh a, he natna hi blood syndrome leh Lupus te nen hian ang khat a ni.

A hriselna dinhmun a that loh em avang hian nau pai kawng ah a vanduai phah. Kum 6 chhung in nau 5 lai a chhiat hman. Amanda in treatment a lak lai hian Marketer Aliciamarie hi Italy ah a awm a, Florida a a chhungte kianga a kir chuan a unaunu dinhmun chu hriatthiampui in tanpui turin a in pe nghal hmiah.

Aliciamarie chuan “Doctor in surrogate ti turin thurawn min pe a, Amanda hnen ah hian tanpui a ngaih leh ngaih loh pawh ka zawt hman lo. Unau in pawh tak kan nih vangin tanpui turin ka inpe nghal chawt mai a ni” a ti.

IVF leh surrogacy paperwork a lawyer man ah £11,500 ($16,000) vel sum an seng. Kum in August thla khan fapa duhawm tak Oliver chu tluang takin a nei. Amanda leh a pasal pawh a unaunu chungah hian an lawm hle a, Amanda chuan an fapa Oliver hian nikhua a hriat hun ah thil tam tak hrilh hriat tur a neih thu a sawi hial a ni.