Mizo Elite News hi ṭha i tihzawng a nih chuan min lo Follow dawn nia

A Unaunu Natna Khirh Tak Vei Keu Thei Tawh Lo Tan Surrogate Kaltlangin Fa A Hrin Sak

Unau inhmangaihna hi a va han hlu ṭhin em. Hemi te unau ngat phei hi chu an inhmangaihna hi a thuk tak zet. Thisen inzawm tam tak zingah pawh unau tam tak chuan an thil tih hi an huam kher a rinawm loh bawk.

Toni Smith,30 tia koh hi Cervical Cancer vei a ni a, a pasal Ashley nen an innei a. Vanduaithlak takin a natna Cancer vang hian Toni Smith tan chuan naute neih theihna chance a nei tawh lo a, a keu thei dawn lo tih an hrilh.

Chutia Toni Smith in fa a hrin theih dawn loh thu a hriat chuan a unaunu Tara Moreton, 32 chuan a khawngaih hle a, a unaunu tan hian nu a nih theihna hun remchang a ruahman sak a thutluka khirhkhan tak siam in Toni te nupa in fa an neih theih nan fa hrinsak turin thu tlukna a siam ta a ni.

Toni hian 2012 a chemotherapy a lak hma in a chi la in, vawn that sak a ni a. Hun rei tak hnu ah nikum October thla khan keu thei turin Tara ah embryo transfer an ti. A unaunu fa tur chu a pai sak ta a ni.

Tara hi Dudley a mi niin aman fa 3 a nei tawh. A unaunu fa a pai sak chungchangah hian a pasal David pawhin a buaipui em em a, alo support ṭha hle a ni.

“Khatia ka rai kha Ashley pawh in rin harsa a ti a, a hlim tak zet bawk. Toni ka hrilh chuan a mittui a luangchhuak hial” tiin Tara hian a sawi nghe nghe.

June 9 khan Russells Hall Hospital, Dudley ah Tara hian a unaunu Toni leh a pasal Ashley te tan fapa duhawm tak Jenson tia an koh chu tluang takin a nei a, naute a piana Toni te nupa hlim hmel a hmuh chuan a lawmzia a sawi.

Toni pawhin a unaunu Tara in a an nupa tana a thil tih chu ropui a tih thu sawiin a lawmzia hi thu a sawifiah chi a nilo alo ti ve hial reng bawk.

The Sun