Mizo Elite News hi ṭha i tihzawng a nih chuan min lo Follow dawn nia

A unaunu in a puhna ah Britney Spears a lungawilo

Britney Spears chu a nun khuahkhirhna atanga a zalen hnu ah pawh thil engkim a fel vek thei chuang lo a, a chhungte nen an inkar boruak chuan ziaawm lam pan a hnekin a thalo zual telh telh zawk.

Wednesday’s Nightline kaltlanga Juju Chang nen an inbiangbiakna ah Britney unaunu Jamie Lynn hian Britney mize chungchang mak leh la hriat ngai loh chu a rawn sawichhuak.

Jamie Lynn hian a lehkhabu ‘Things I Should Have Said’ puala Interview ah chuan a unaunu Britney in chemte keng in room ah a kalhhnan thu leh anchhia a lawh thin thu a sawi a, a mizia chu mumal lo leh mak danglam tak a ni a ti. Hlauhna vang te leh midang tih lungawi loh a duh loh vang in a chunga thil thleng hi a sawichhuah duh ngai loh thu a hrilh bawk.

Britney in a nau in a chungchang mawilo tak a sawichhuak tih a hriat rual hian a rawn lang nghal vat a. A unaunu in mize tha lo tak anga a chhuah chu thu belhchian dawllo a nih thu in a pha. “I thil sawi te hian min ti hrilhhai zawk hle mai, tiang mi hi i nih ka ring ngailo. Heng dawt thu i sawi zozai hi ti tawp lul teh” tiin Britney hian Jamie Lynn hi a ngen ani.

Britney chuan a unaunu in a nungchang thunun theih loh ang a a sawi ah kum 15 liam tawh atang a hnaih vaih ah a awm tawh lo a, a chungchang heti zawnga a sawi hi amah hmangin a lehkhabu hralh kawnga vawrhlar nan hman a tum angin a rawn puhlet ve ngat.

Britney hi hriat theuh angin kum 13 chhung zet a hringnun chu Jail tang ang maia a hman hnu ah hmanni lawk khan a zalen ve chiah. A unaunu Jamie Lynn bakah a nu leh pa te nen an inkar ah inhmelmakna a thleng. Khuahkhirh a nih lai khan amah tanna tawngkam engmah Jamie Lynn hnen atang a dawn loh thu Britney hian a sawi hial a, fans thenkhat te phei chuan Britney nun khuahkhirh a nih lai khan Jamie Lynn hi hlawkna tel ve tu zingah an puh reng. Britney-i a zalen tih an puan rualin Britney in Instagram ah Jamie Lynn hi a thianfai zui nghal bawk anih kha.