Mizo Elite News hi ṭha i tihzawng a nih chuan min lo Follow dawn nia

A Unaunu A Chhanhimna Lamah Ui In Na Taka Beiin Hmun Tam Takah Ṭhui Ngaiin A Awm

Mipa naupang huaisen chuan a unaunu nunna a chhanhim na lamah amah zawk na taka hliam tuar in a awm phah.

He mipa naupang huaisen tak hi Bridger Walker tia koh a ni a,Wyoming, US a mi niin kum 6 a upa a ni. July 9 a thleng kha a ni a Ui chuan a nau hmeichhia chu beih tumin a panhnai hrut hrut a, a unaunu a bei tur chu chhanhim in, a unaunu a chhanhimna lamah hian amah zawk chu ui hian na tak in a hmai ah a bei a, hliam a tuar phah ta a ni.

Vanneihthlak tak in a nunna em erawh a chan lo a, a unaunu hi hlauhawm lak aṭang him takin a chhanchhuak thei.

Bridger hian a hmai leh biangah te chuan hliam a nei nual a, plastic surgeon ten enkawl in hmun 90 lai ah a hliam hi ṭhui sak a ni bawk. Tunah erawh an chenna in lamah a awm tawh a ni.

Bridger chunga thil thleng hi a ni (aunt) Nikki Walker chuan a Instagram kaltlangin a tarlang a. Hollywood actors Mark Ruffalo leh Anne Hathaway te ho aṭang te pawhin huaisen an tih thu te leh an chhuanzia bakah dam vat tura an duh thu te comment alo dawng hial bawk.

DM