Mizo Elite News hi ṭha i tihzawng a nih chuan min lo Follow dawn nia

A uire vangin vantlang hmuh ah vawi 100 hlap in mipa zawk vawi 15 vuak ani

Uire na hi thil tenawm tak a ni a,nupa inkara uire na a thlen tawh chuan a hma anga inrin tawn leh chu thil harsa tak ani. Hmanlai pi leh pu te pawn ‘chem laibal leh nupui uire ngaihdam chu hman dawn apiangin kan hria’ an lo tih reng kha.

Muslim-majority Indonesia ah chuan uire te tan hmun a chep hle. Hmeichhia uire an awm in khawlai ah zahthlak taka hremna pek thin an ni a, January 13 khan Aceh province ah Indonesia nu pakhat chu a pasal pawh nilo kawpa a uire vangin thuneitu lam in vawi 100 zet an hlap tih an sawi.

Hetih lai hian a kawppui mipa erawh chu puhna a dawn ah a phat tlat vangin East Aceh fishery agency ten thiamloh an chantir ngawt theih silo a, vawi 30 vuak turah vawi 15 chiah hlap a tuar.

2018 ah oil palm chinna hmun a tenawm taka a khawsa hi man chhuah an ni. AFP reporter te chuan zahthlak taka hremna pek lai hian he hmeichhia hian na a tih lutuk vangin an hlap lai chu chawlh lailawk an neih zeuh zeuh thu an sawi.

East Aceh prosecutors office a head of general investigation division, Ivan Najjar Alavi chuan he hmeichhia hi pasal pawm lai nei ani. A uire tih hi amah ngei pawh a inpawm a, a inpuan hnu ah a chungthu hi rel ani tih a sawi.

Aceh ah hian Sharia law hi kalpui ala ni reng a, in hlap hmang a hremna ah hian uire mai bakah pawisa khelh, zu in leh mahni anpui kawp te pawh he hremna hian a huamtel. Vantlang hma a hremna an neih ni hian mitam tak pungkhawm thin in video ten an lo record a, social media ah te an phochhuak leh thin ani.

Mahni mihring pui vuak a hremna an neih thin hi human rights leh civil rights groups te erawh in nasa takin an sawisel. Mihring dikna leh chanvo in rahbehsakna a ni tiin nunrawnthlak an tih thu an auchhuahpui a,titawp turin ngenna thlen hial ani.