Mizo Elite News hi ṭha i tihzawng a nih chuan min lo Follow dawn nia

A Tunu Zirna Chhunzawm Nan An Chenna In A Hralh Hmiah, Mahse Donation Atang Sum Thahnem Tak A Dawng

Zirna hi mi puitling ni tura min chher lian tu a ni a, mi fing a piang ten zirna ngaisan na chang an hre thin.

Mumbai auto driver pakhat kum 74 a upa tawh Deshraj hian a fapa 2 te chan in, a tu te enkawl in hun a hmang a ni. Auto khalh hian a tu te school fee vel ngaihtuah in chhungkua a lo enkawl.

A tunu chuan Class 12 Board Exams ah khan 80 per cent zet a hmu a, Delhi ah kala B.Ed course zir zawm a duh. Mahsela an chhungkaw dinhmun in a zir loh em vangin a senso sum hman turah harsatna an tawk a ni.

Mahsela Desraj hi zirna ngaisang em em mi a ni a, a tunu hian zirtirtu nih tum in theihtawp a chhuah tih pawh a hria. A tunu suangtuahna hi tih hlawhchham sak duh lovin a zirna chhunzawm theih na tur hian a theihtawp tak meuh meuh a chhuah.

Thla khat a Rs 10000 chauh a lakluh chuan a daih miau loh vangin a fanu zirna senso atan an mahni chenna in ngei chu a hralh phah ta hial a ni.

An chanchin hi ‘Humans of Bombay’ ah tarlan a nih atang a tunu tana a inhlanna chuan midang thinlung a hneh hle. Desraj tanpuina tan hian mi thahnem ngai ten Donation an khawnsak a, cheng nuai 24 lai mai Donation atang hian chenna in leina turin sum an hmuh let sak leh.

Humans of Bombay chuan pawisa te hi Desraj kutah a cheque a hlan fel a nih tawh thu hi an tarlang a ni.