Mizo Elite News hi ṭha i tihzawng a nih chuan min lo Follow dawn nia

A Tuartu Chhungte Tan Chuan Rilru A Na In A Va Hrilhhaithlak Dawn Em

Nu leh pa ngai rual lek lek naupang te tan tawrhna nasa tak an thlen a, a then te chu fahrah in an awm tawh.

2021, March 17 khan CDM kawng zawhna ah Cung Lian Ceu hi Sipai te silaimu tawng fuh zingah tangin a nunna a chan phah a, kum 25 lek a upa chauh ala ni nghe nghe. Nimin March 18 khan vuina hun hman a ni.

A pa ruang thlâna an thlah liam mek lai chuan mittui nen a kut zungṭang pathum chu chung lamah zalenna entir nan a lek chhuak ve va va a. Hlim taka a ṭhiante nena an tual chaina hmunah te chuan thisen a baw niaih nuaihin mitthi ruang a thal pheng phung a. Kawtthlerah nutling leh patling na tuar rûm thâwm an ṭe vawng vawng a, zalenna duhtute au ri leh silai ri a inchhâwn tluk tluk bawk si.

Tui taka muthilh tum chu thi lova vân kai tum tluk zeta harsa a ni a, ṭanpuitu beiseiin an au rual a, mahse khawvel lah chu a ngawi ṭhiap rih bawk si.

Bawihte, engtik niah emaw chuan engkim hi a la ṭha leh vek ang a, chutih hun chuan i pa leh mi dangte thisen luang chhuak kha a thlâwn tawp lovang. I naktuk huna zalenna i neih theih nan an vawiin hun an hlan si a.

Hlimten kan vangkhuaah siang in lawi a,
Remna leh muanna ni a chhuah hun chuan,
Kan chan tihian rawn hril ta ula;
Naktuka hlim taka in nuih theih nan,
Kan vawiin hun kan hlan ta tiin.

Zalenna dar an khawn rik hun a,
Phatsantu authâwm a reh hun chuan,
Kan hlimthla tal zai lo chawipui ula;
Hnehna tumkau chawia in zalen theih nan,
Famkhawpuiah rûn kan rem ta e.

“When you go home, tell them of us and say,
For your tomorrow, we gave our today”

Credit @Puipuii_Mizo_Ziakmi_Biru