Mizo Elite News hi ṭha i tihzawng a nih chuan min lo Follow dawn nia

A Thi Tih An Chian Tawh Hnuah Vuiliama A Ruang Halral An Tum Laiin A Rawn Harhchhuak Leh

Thil thleng ngai zen zen lo. Mahsela a changa thleng ve leh zeuh thin a ni. India ram a nu pakhat kum 76 mi chu a chhungten a hnukchat a,a thi tih an nemngheh vek hnuah a ruang halral tuma an inbuatsaih lai mekin a rawn harh leh.

India Today in a sawidan chuan Baramati a Mudhale village ah a vuina hi a chhungten an buatsaih. He hmeichhia hi Shakuntala Gaikwad a ni a, nitam vak la liam lo ah khan Covid a Positive tih hriatchhuah a ni.

An chenna in ah an inkhung te te phawt a, amaherawh chu a kum a lo tam tawh nen a hriselna dinhmun chu a zual zel. A chhungte chuan Baramati a damdawiin an panpui.

May 10 khan private vehicle in hruai a ni a, a chhungten damdawi in a mutna khum tur vel an ngaihtuah sak chhungin Car a an nghak chu nikhawhrelo in a awm zui ta mai a, biak theih in a awm tawh lo.

A hnuk a chat fel ah an ngai vek a, a chhung leh khat te hnen ah a vuidan tur ruahman tura hrilh hriat an ni. Mitthi zawn hlang a dah in a ruang hal tura an inbuatsaih lai mek chuan thil mak a thleng.

Shakuntala Gaikwad hi an zalhna hmun atang chuan a mit rawn mengin a tapchhuak. A chhungte dang pawh in mitthi tawh a an ngaih tawh a rawn harh leh chu mak an ti hle a, damdawiin ah rang taka hruai leh nghal niin Baramati a Silver Jubilee Hospital ah admit a ni. Tlem a tlem ah nungdam in an inhal lo chauh.